哈,最後都係還原基本,用返個forum

[vince]

用facebook太open, 用email又太closed system.
最後, 想講既都係擺返係到, 立此存照 (呢個四字成語, 學生會教既:p)
想不到還會用forum的除了我還有嵐哥, 原來嵐哥係最長情. (其實唔駛原來, 一向都知xdd)
好, 廢up一輪, 入正題
今日巧遇路人,聽左一輪真心廢up, 自己又廢up幾句. 回來後,都是立下心寫下回應：
我想在一切想法以先, 我們必須緊記. 無論團契今天如何, 團契仍在上帝的保守與帶領下
社關組的大佬是大佬, 但中大團契的大佬是上帝。
要說今天的團契如何, 先要看我們在什麼處境，以及由以往塑造成今天的團契與當前處境的互動。
先談歷史，帳面上這是一個38年歷史的團契。但對目前存在的團友來說，最長的那個是經歷了四年團契的黎鑑鋒，之後便是三年級的團友。
今天團契的職員會是由兩位三年級與及兩位二年級團友組成，而核心團友有3位是從一年級開始便在團契，其餘的都是二年級開始。換句話說，對「以往中大團契的運作方式」有較深體會的不出十人。有較深體會並曾參與事奉，「落過水」的就更少。但團契的恆常人數是25人，少於一半團友是有較深體會，再少於一半是有落水經驗。
而由於stanley那支莊前的團契出了點問題，團契的正常運作模式是由3年前才開始建立的。
就以上較簡略的描述，我們可以簡單點說：現在我們所經歷的中大團契運作是只有3年歷史。從3年前由頭mark新人，搞功能小組，過莊。現存的中大團契只是成長了3年。
所謂的中大團契以前是怎樣，其實是需要靠老鬼傳下來的，但我想同樣因為前人的原因，與老鬼的聯絡在某斷時間中斷了，是近一兩年才再接上。所以要了解以往，有時惟有靠自己多看前人留下的文件遣物(註：所以minutes那些是應該出好點的！而且filing是極為重要。)
以上是一個大picture, 我覺得有些討論要在理解這個大圖畫下所說的才fair.
然後再收窄一點, 以我從一個莊員的角度去理解團契的處境。
你問我我覺得成個莊最欠什麼，是有人告訴我「咁樣搞係唔得」。許多時，在職員會的位置是一個很大的盲點，因為我們很難看到整個團契的dynamics. 我們需要core, 組長告訴我們大家的狀態、大家是否ready去行動或去接受一些東西。大家最關注的其實是什麼。其次是一些有經驗的人，他可以在看了我們的計劃時challenge我們，讓我們知道有些方法是行不通。前者，我明白大家有盡力。但後者，我們只有梁景匯，所以惟有我們不斷去試，推出不同的方法，希望找出大家最comfortable, 最明白的方法去把我們的信息帶出。
第二個問題，我認為是出在傾莊時大方向沒有砌實, 實情是開學初期大改時沒有砌實, 因為時間上的關係。其二是過莊時大家當例行會議，沒有狠心點去挑戰我們的計劃，而我們對於團友的挑戰在成莊後沒有再檢討。大方向沒砌實時當要繼續下去，目標便會不清晰，這也是路人提的問題之一，目標不清晰的後果我們也在經驗中，不用詳述。
但今年的確有幾點我個人覺得是做到了的, 一是mark 新人, 二是盡可能把不同的功能小組、camp、event都攪了點出來給大家去經歷。後者，有些好有些一頭煙，不在此詳述。不過我覺得，搞得就一係好一係唔好，搞完就算。你問我是否可以集中點？我今天也說了點，集中的話，我怕後來者便會以為「中大團契便等於xxx」，其實更限制了以後團契的變化及成長，你知啦，人呢種動物，有幾鍾意因循有幾怕創新，尤其香港人慣左行政主導。不過話又說回來，幾多功能小組幾多event, 其實視乎那屆莊的期望，每樣組合都會有優勢有缺點。
今天還提到那種兩頭唔到岸的感覺。hmmm.....那其實是我們每個人的責任。若我們有人可以死做一樣, 其他咩都唔落水, 其實就不會有兩頭唔到岸的感覺。例如做社關的就死做社關，做一樣野黎motivate大家落水做，咁有d野出左黎, 咪唔會兩頭唔到岸。要到岸既感覺既話, 就要做返d去到個岸既野。(哈呢part要知要明既人就會明, 唔明既咪即係你無必要明囉)
要吹的話以我黎講仲有排可以打, 不過我想.......
有時我們要放遠點去看, 姑且當我們是踏入第3年的團契。要怎樣令他繼續成長，繼續在中大做一個見證群體呢？
依我看, 我們還在成長的關口, 有時在成長的中途, 就是會遇上令人不快的困局。用力的走下去，總會有新發現。

哈, 放得係到, 就係要你地回應. 仲要回應出黎比其他人睇到. 而唔係剩係mailing list.
夠敢, 就打d野出黎feedback. 「加油努力」此類真心話就放返係個心到得啦. 除非你接下來有其他野會講 :p xddd

[Anthony]

哈. 張韻詩, 你都傻既, 咁正既野post係呢度, 有邊d人睇到?

宜家成個團契裡面知道有呢個forum既存在既人有幾多個? 真係10隻手指都數得到.

首先我要係度多謝polly姐. 如果唔係頭先同佢傾過使命小組d野, 我唔會知道團契內部發生左咁多我唔知既野. 同埋我都唔會知道你係到留左言, 更加唔會感受到你係懷住咩心情開呢個post, 亦唔會覺得自己有責任去留言.

由於我摺埋得實在太耐, 唯恐人地已經唔識我係mud水, 所以容許我係度自介先. 我就係其中一位從一年級開始便在團契的核心團友, 係今年週會小組組長, 亦係上年既團長. 以下落黎, 我將會以前團長的身分和態度, 去表達我的回應和提問.

首先係回應. 張韻詩, 我夠膽話, 你係輸硬的, 除了幾隻老油條有機會回應之外, 唔會再有其他人回應.

點解?

原因一, 唔覺得關自己事. 黎團契都係想開心, 想感覺良好, 滿足於 [開闊自己既視野] 已經足夠. 佢地唔會覺得, 其實佢地都好需要熱心地關心團契的歷史和承傳, 同埋佢地會以為自己對團契的歷史和承傳已經有充分的了解.

原因二, 冇膽去挑戰我地, 因為佢地覺得我地講既野係的, 所有pt我地都講晒, 佢地冇野再補充. 同埋佢地唔敢去表達同我地相反既意見, 指出我地既不足.

原因三, 猶疑中或者俾我地嚇親, 因為佢地唔知我地講緊咩, 想等多d人留言, 了解事件的全貌後再回應. 不過呢類人應該少之又少.

原因四, 亦係最重要既原因, 就係佢地冇反思能力. 所以, 佢地唔知道我地講緊咩, 所以冇野好講. 同埋佢地亦會有一個想法, 就係 [我都唔知佢地講緊咩, 咁我留言又可以留d咩呢?]. 佢地唔會, 亦唔知道原來 [點解突然之間咁激動同埋認真呀? 你係咪唔開心呀, 冇事呀嘛你?] 都係一種值得鼓勵的回應.

原因五, 係因為佢地冇註冊到, 所以留唔到言.

原因六, 係因為佢地太耐冇用forum, 唔記得左個password, 所以login唔到.

當然, 我唔希望原因五同六係最重要的原因.

原因七, 係因為冇人擔任小淇的角色, 出email提醒大家, 我地有個forum, 係鼓勵同歡迎大家留言或者回應的. (又或者, 咁多位朋友見到呢個email既時候, 都會將佢掉落Junk Mail度, 或者將佢deleted?]

跟住再講我既提問. (唔單止係對職員會, 仲係對團契每一個人既提問)

一. 中大團契係咪好正? 或者換句說話問, 中大團契係咪一個好地方? 如果你答 [唔係] 的話, 多謝晒, 你可以close左呢個視窗, 唔需要再睇落去. (我的答案是, 正同埋係, 所以我繼續答落去)

二. 既然中大團契正同埋係一個好地方, 點解參與事奉同 [落過水] 既人會咁少? (我的答案是, 我唔知. 我想其他人話俾我知, 得唔得?)

三. 既然d人都唔落水, 咁d人點解要繼續返團契? (這是why的問題). d人又係為了甚麼而返團契? (這是what for的問題) (我的答案同上)

四. 如果個情況繼續再係咁落去, 你想唔想像得到下學年既團契會變成點? (我的答案同上)

五. 如果我話不如將中大團契摺埋既話, 你會唔會贊成?

六. 黎到呢一個位, 你有咩野感受? 你會有咩行動?

我冇咩野想講了, 因為我知道唔會有人回應. 最後我再講多幾句話.

一. 唔好等自己整理好之後先至回應. 因為宜家你唔回應既話, 之後你都唔會得閒回應.

二. 前團長是可以被挑戰的, 唔好做一個敢怒不敢言既團友. 如果連你都唔覺得自己既說話重要, 咁就真係冇人覺得你既說話係重要的.

三. 唔知留言可以講d咩既團友, 就留言回答六個提問啦. 唔好覺得咁係一種好頹的回應. 這種回應也是我鼓勵的.

四. 老土d, 長氣d講句, 正如莊員在上學期最後一次週會所講, [團契不是屬於四個莊員, 是屬於大家的]

五. 冇account或者唔記得password既團友, 請打去6_1_5_1_6_6_9_7俾小淇.

六. 唔識點用forum或者點留言既團友, 請打去6_8_9_7_8_1_0_2搵我.

七. 我知道自己做緊咩. 我好清醒, 我唔係一時high左之後係度發癲.

[vince]

擺係到.
就緊係selectively咁比人睇...
要open就放係facebook啦....
哈哈, 好難得你唔係用"正大光明"既書面語黎寫野:P
HMMM....
唔知擺多幾多日會有人回下呢~~~~

[Anthony]

haha, 唔明咩叫"正大光明"既書面語lor~

[Stanley]

唔緊要啦Vince ... 萬物都有定時, 要明白我們的一套開始變得「老土」, 找使命為主夢想 已經不是大專基督徒Concern 。如果信仰都有潮流, 那現今一定是以敬拜及群體分享耍樂活動為主。

冇所謂啦Vince ... 中大團契本身咁多元 , 團友有自己想法及做法, 不能達到目標or根本從來都冇目標都冇所謂啦. 中大團契正, 係因為冇rules 跟呀ma。 仲有人肯返團契就無憾啦~
我覺得Anthony 大個左好多~ 從你不再「正經」的回應得知。


團契40年, 是時候有個了結or轉捩。


p.s. 時間過得好快。恭喜你們畢業!! 要開開心心做團契的畢業生喔 ~